BE.207 Logu no.150
SAI TIOP MA TANGANKU

Ayat 1
Sai tiop ma tanganku Sai togu au
Paima tos hosangku Ramoti au
Ndang olo au mardalan sasada au
Sai Ho ma ale Tuhan Manogu au.

Ayat 2
Baluti ma rohangku Na marsak i
Tu asi ni rohaMu Na godang i
Sai sesa ma dosangku Asa tongtong
Guru di Ho rohangku Tu jolo on.

Ayat 3
Ianggo hasusaan godang do i
Alai pangkilalaan sonang do i
Na tiur do rohangku Nang pe holom
Niida ni matangku Di tano on.

Ayat 4
Di lambung patMu Tuhan Di joloMon
Sai loas maradian SiseanMon
Pipit hubaen matangku Maniop Ho
Ai sonang do rohangku Mardongan Ho

Ayat 5
Sai tiop ma tanganku Sai togu au
Paima tos hosangku Dongani au
Pabulus ma langkangku Tu surgo i
Ho ma pasangaponku Tongtong disi
